विश्वप्रसिद्ध सामसुङ कम्पनीका अध्यक्षको निधन

विश्वप्रसिद्ध सामसुङ कम्पनीका अध्यक्ष ली कुन–हेको निधन भएको छ।

दक्षिण कोरियाली व्यवसायी लीले सन् १९८७ देखि २००८ र सन् २०१० देखि २०२० सम्म सामसुङ ग्रुपको अध्यक्षको जिम्मेवारी सम्हालेका थिए।

एएफपीका अनुसार आइतबार बिहान दक्षिण कोरियाको राजधानी सिओलमा ७८ वर्षीय लीको मृत्यु भएको हो। सन् २०१४ मै हृदयघातको समस्या भोगेका लीको आइतबार निधन भएको सामसुङले पुष्टि गरे पनि कारण खुलाएको छैन।

स्मार्टफोन, कम्प्युटर र टेलिभिजन उत्पादनमा सामसुङले विश्वमै प्रभुत्व जमाएको छ। सामसुङ अमेरिकी कम्पनी एप्पललाई टक्कर दिइरहेको कम्पनी हो। पछिल्लो समय चिनियाँ कम्पनी हुवावेमाथि अमेरिकाले प्रतिबन्ध लगाएपछि सामुङको बजार फेरि विस्तार भएको छ।

खेलमा रुची राख्ने ली विश्व ओलम्पिक कमिटीको सदस्य पनि थिए।

सेप्टेम्बर २०२० मा सामसुङको सम्पत्ति २० अर्ब डलर मूल्याङ्कन गरिएको थियो।

दक्षिण कोरियाको अर्थतन्त्रमा विशेष योगदान रहेको सामसुङ विश्वकै ठूलो प्रविधि कम्पनी हो। उसो त ली दक्षिण कोरियाका सबैभन्दा धनी व्यवसायी हुन्।

तपाईको प्रतिक्रिया

सम्बन्धित समाचार