बेइजिङ, मे २० । अमेरिकी राष्ट्रपति डोनाल्ड ट्रम्पले चीनको आधिकारिक भ्रमण गरेको ५ दिनपछि मङ्गलबार अबेर रुसी राष्ट्रपति भ्लादिमिर पुटिन बेइजिङ पुगेका छन्।
चिनियाँ सञ्चारमाध्यामका अनुसार बुधबार बिहान चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनबीच बेइजिङमा भेटवार्ता भएको छ।
बेइजिङको ग्रेट हल अफ द पिपुल बाहिर रुसी नेतासँग हात मिलाउँदै सीले बुधबार पुटिनलाई बेइजिङमा स्वागत गरेका छन्।
ग्रेट हलमा प्रवेश गर्नुअघि पुटिन र सी सँगसँगै रातो कार्पेटमा हिडे। रूसी नेतालाई स्वागत गर्न सी बाहिर निस्के र सैन्य ब्यान्डले आफ्ना दुई राष्ट्रिय गान बजाउँदा उभिए।
पुटिनको भ्रमण र अमेरिकी राष्ट्रपति डोनाल्ड ट्रम्पको हालै सम्पन्न भ्रमण धेरै फरक रहेको बताइएको छ। किनकि रुसी नेताले चीन-रुसी मित्रताको २५ वर्षको उत्सव मनाइरहेका छन् र पुटिनले अहिलेसम्म २५ पटक चीनको भ्रमण गरिसकेका छन्।
हामी अपेक्षा गरिरहेका छौं कि दुई पक्षले मध्य पूर्व र युक्रेनको अवस्थाको बारेमा एकअर्कालाई अद्यावधिक गर्नेछन्। निस्सन्देह, सी जिनपिङले गत हप्ता डोनाल्ड ट्रम्पसँग छलफल गरिएका कुराहरूको बारेमा पनि पुटिनसँग कुरा गर्नेछन्।
पुटिनसँगै रूसी व्यापारी र सरकारी नेताहरूको ठूलो प्रतिनिधि मण्डल पनि रहेको बताइएको छ। क्रेमलिनले दुई नेताहरूले अर्थतन्त्र र पर्यटनदेखि शिक्षासम्मका सबै कुरा समेट्ने लगभग ४० वटा विभिन्न सम्झौतामा हस्ताक्षर गर्ने घोषणा गरेको बताएको छ।
त्यसमा पनि पुटिनका लागि सी जिनपिङसँगको छलफलको मुख्य विषय ऊर्जा सुरक्षा हुने बताइएको छ।
प्रतिक्रिया